Toshkentdagi AQSh Elchixonasi oʻzining Facebook sahifasida “Turli millatga mansub immigrantlar vizasi – DV 2021 (Green Card) dasturiga oid savollarga javob beradi. Bu haqda elchixonaning ijtimoiy sahifalarida maʼlum qilindi.

Ushbu dastur haqida qoʻshimcha maʼlumotlar olmoqchi boʻlganlar elchixonaning Facebookdagi sahifasi yaratiladigan postda oʻz savollarini qoldirishi mumkin boʻladi. Chat 24-oktabr kuni soat 16:00da boshlanadi, deyiladi xabarda.

Eslatib oʻtamiz, “Green Card 2021” uchun roʻyxatga olish 2019-yil, 2-oktabrdan 5-noyabrga qadar davom etadi.

Avvalroq, 2018-yilda Oʻzbekistondan 2 114 446 kishi boshqa davlat fuqarolariga AQShda yashash imkoniyatini beruvchi Green Card lotereyasini oʻynash uchun ariza topshirgani haqida xabar qilgan edik. Bu koʻrsatkich dunyo boʻyicha Green Card oʻynaganlarning 9 foizini tashkil etdi.