Zarbdor tumanida fuqaroni Koreya davlatiga ishga yuborishi evaziga 65 mln so‘mini qo‘lga kiritgan shaxs aniqlandi.

Bosh prokuratura huzuridagi Departamentning Zarbdor tumani bo‘limi tomonidan fuqarolarning huquqlarini himoya qilish yuzasidan o‘tkazilgan tergovga qadar tekshiruvda fuqaro Sh.R. fuqaro E.M.ning ishonchiga kirib, uning o‘g‘lini Koreya davlatiga ishlashga yuborishini va’da qilib, evaziga 65 mln so‘mini firibgarlik yo‘li bilan qo‘lga kiritganligi aniqlangan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.

Hurmatli fuqarolar! Xorijiy davlatlarda mehnat faoliyatini amalga oshirish istagida bo‘lsangiz, Migratsiya agentligiga murojaat qilishingizni so‘raymiz. Bu bilan, Siz nafaqat o‘z xavfsizligingizni ta’minlagan bo‘lasiz, balki kafolatlangan mehnat sharoitlariga ham ega bo‘lasiz.

• Janubiy Koreya
• Jizzax