Italiyalik Luka Lampariyello 35 yoshda va u 11 xil tilda suhbatlasha oladi. Lukaning aytishicha, poliglot bo‘lish juda ham yaxshi, shuningdek, ko‘p tilni o‘rganish ham qiyin emas. Quyida u ingliz, fransuz, nemis va ispan, golland va shved, rus va polyak, portugal, xitoy va yapon tillarini o‘rganish vaqtida orttirgan tajribasini biz bilan bo‘lishdi.

1-DARS

Tilni o‘rgatish mumkin emas, uni o‘rganish mumkin. Kimdir sizga yordam berishi bu albatta yaxshi, ammo u sizga instruktor emas, balki gid bo‘lsin.

Luka 13 yosh bo‘lganida, uning ota-onasi ingliz tili o‘qituvchisini yollashadi. Uning aytishicha, uning o‘qituvchisi juda ham ajoyib ayol edi. Ustoz faqatgina murabbiylik bilan shug‘ullanmasdan, menga ingliz tilining dunyosini ochib bergan, deydi Luka. Tilni o‘rganishda, uni sevishni o‘rgatishdan muhimi bo‘lmasa kerak.

2-DARS

Til yangi dunyoning eshiklarini ochib beradi. Barcha to‘siqlarni unutib, tilga, mamlakatga, odamlarga, hattoki, ularning milliy taomlariga ko‘ngil berish lozim. Misol uchun, Luka har kuni 2 soatdan fransuz televideniyasini tomosha qilgan. 

3-DARS

Barchaga birdek to‘g‘ri keladigan til o‘rganish usuli mavjud emas. O‘zingizga ma'qulini toping va siz xohlagan tilingizni mustaqil o‘rgana olasiz. Tadqiq etib ko‘ring!

4-DARS

Xorijiy til o‘z ona tilimizni tushunishda yordam beradi. O‘z ona tilingizga yaqin tilni o‘rganishni boshlasangiz, tez orada gapirishni boshlaysiz. Bu eshitilgandan ham osonroq. 

5-DARS

Keraksiz tilni o‘zi mavjud emas: har qaysi til bir kun kelib albatta kerak bo‘ladi. Stereotip fikrlarga hech ham quloq solmang, o‘z qiziqish va qarorlaringizga amal qiling.

6-DARS

Qo‘pol xatolarni amalga oshirmaslik uchun, boshidanoq o‘z talaffuzingiz ustida ishlang.

7-DARS

Agarda tilni o‘rgana olmasangiz va to‘xtashni istasangiz, o‘z qiziqishingizni qayta tug‘dirishga harakat qiling. Mamlakatga sayohat qiling, suhbatdoshlar toping, kino tomosha qiling, Youtube’da rolik joylashtiring. Ushbu usullardan biri baribir foyda beradi.

8-DARS

Barcha narsani yaxshi rejalashtirilsa, ikkita tilni ham parallel o‘rganish mumkin bo‘ladi. Luka portugal tili bilan birgalikda xitoy tilini ham o‘rgangan ekan. Uning aytishicha, faqatgina talaffuzga yaxshi e'tibor qaratilsa bo‘ldi.

9-DARS

Sayohat – bu juda ham kuchli rag‘batlantiruvchi. Ko‘proq sayohat qilishga harakat qiling, bu esa sizni ko‘proq tillarni o‘rganishingizga turtki bo‘ladi.

10-DARS 

"O‘rganish qiyin" nomini olgan tillarni o‘rganishdan hech ham qo‘rqmang. 

11-DARS

Bir xil tillar haqiqatdan ham o‘zgacha bo‘ladi, shuning uchun ham o‘zgaruvchan munosabatni saqlab qoling. Agarda sizga odatiy bo‘lgan o‘rganish usuli foyda bermasa, uni o‘zgartiring. Muhimi, hech ham chekinmang!