Bugun, 16-fevral kuni soat 08:10 larda Chilonzor tumani, Do‘mbirobod ko‘chasi “Qurilish mollari” bozori qarshisida Chilonzor tumanida yashagan M.A. “VAZ 2106” rusumli transport vositasida yo‘lning qarama-qarshi yo‘nalishiga chiqib, Buxoro viloyati, Gʻijduvon tumanida yashovchi Sh.A. boshqaruvida bo‘lgan “Isuzi” rusumli transport vositasi bilan to‘qnashuv sodir etgan. Bu haqda O‘zbekiston Respublikasi Ichki ishlar vazirligi Yo‘l harakati xavfsizligi Bosh boshqarmasi rasmiy sahifasi ma’lum qilgan.

Xabarda aytilishicha, to‘qnashuv natijasida “VAZ-2106” rusumli transport vositasi haydovchisi M.A. olgan tan jarohatlari oqibatida voqea joyida vafot etgan.

Eslatib o‘tamiz, O‘zbekiston Respublikasi hududi bo‘ylab fevral oyining dastlabki o‘n kunligida 126 ta avtohalokatda 41 kishi vafot etganligi haqida xabar bergan edik.