XABARDOR.UZ - Exiii nomli Yaponiya kompaniyasi 3D printerida chop etilgan va smartfonda boshqariladigan Handiii deb atalgan qo‘lning bionik proyetezini namoyish etdi.

Protezlar  ko‘plab insonlarga zarur bo‘lgan ammo, afsuski, narxi juda qimmat narsadir. Yaponiyaning Exiii kompaniyasi ushbu muammoni yechishga qaror qildi va Ostinda bo‘lib o‘tgan South by Southwest ko‘rgazmasida Handiii qo‘lning bionik protezini namoyish etdi. Boshqa mioelektrik protezlar kabi Handiii qo‘li ham amputatsiya qilingan qismda qolgan muskullar beradigan signallardan foydalanadi, biroq  ishlab chiqaruvchilar mazkur signallarni smartfon orqali qayta ishlash tizimi hisobiga protezni yaratish jarayonini arzonlashtirishga muvaffaq bo‘ldilar.

Protezga o‘rnatilgan sensorlar muskullarning elektrik faolligini kuzatadi va olingan ma'lumotlarni simsiz aloqa orqali smartfonga yuboradi, u esa maxsus ilova yordamida ma'lumotni qayta ishlab protezdagi elektrik servosimlar uchun buyruqni shakllantiradi. Kashfiyotdagi sun'iy tirsak modullidir, shuning uchun zarur bo‘lganda uni stilus yoki boshqa asboblar bilan o‘zgartirish mumkin.

Handiii bionik qo‘l protezi ishlab chiqaruvchilarga bor-yo‘g‘i 300 dollarga tushdi. 3D chop etish texnologiyasi yordamida sinib qolgan elementni almashtirish mumkin, bu esa boshqa protezlarga qaraganda arzon. Loyiha mualliflari bu haqda shunday deydi:

“Muhimi – protez funksiyasini optimallashtirishdir, ya'ni uning narxini arzonlashtirish va chiroyli dizaynni ta'minlash”.

Hozirning o‘zidayoq Exiii kompaniyasi "Handiii"ni tadqiq etish maqsadida tijorat tashkilotlariga taklif qilmoqda. Barcha istovchilar uchun oldindan buyurtma olinayapti. Yakuniy mahsulot 300 dollardan qimmatroq bo‘ladi, ammo baribir boshqa mioelektrik protezlarga qaraganda arzonga tushadi.