“UzAuto Motors” AJning ma’lumotlariga ko‘ra, 2025-yil 21-iyuldan boshlab Chevrolet Onix, Tracker va Damas avtomobillarini tijorat banklari orqali sotib olish uchun yangi shartlarni taklif qiladi. Ushbu mexanizm o‘z samaradorligini ko‘rsatganligi sababli kompaniya uni rivojlantirishni davom ettirishga va mijozlarga yanada qulay shartlarni taklif qilishga qaror qilgan.

Endilikda, xaridorlar Chevrolet Onix, Tracker va Damas avtomobillarini bo‘lib to‘lash sharti bilan avvalgi 50 foiz o‘rniga kamaytirilgan 20 foizi boshlang‘ich to‘lov bilan xarid qilish imkoniyatiga ega bo‘ladilar. Shuningdek, yillik 0 foizdan boshlanadigan foiz stavkasi hamda soddalashtirilgan va tezkor rasmiylashtirish jarayoni taqdim etilishi ma’lum qilindi.

• UzAutoMotors