2020-yil Kabisa yili hisoblanib, bu yilda odatda 28 kun davom etadigan fevral oyiga qo‘shimcha bir kun 29-fevral qo‘shiladi. 

Kabisa so‘zi arabchadan olingan bo‘lib, “to‘liq” degan ma’noni bildiradi. Bu yilda kun odatdagidan bir kunga ko‘p bo‘ladi. 4 ga qoldiqsiz bo‘linadigan yillar kabisa yili hisoblanadi (ikkita nol bilan tugab, 400 ga bo‘linmaydiganlardan tashqari. Masalan: 1700, 1800, 1900, 2100-yillar kabisa emas)

Miloddan avvalgi 46-yilda Yuliy Sezar kalendar yillarini aniqlab olishni xohlagan. Astronomlar bir yil 365 kun va 6 soatdan iborat ekanligini aniqlashgan. Bu 6 soat hisobga olinmaydi va har yili sutkaning 4 dan 1 qismi ortiqcha qolib ketadi. Bu sabab vaqtlar o‘tib taqvim tuzish rejasini barbod bo‘lishiga olib kelar edi. Shunda astronom Sozigen birinchi 3 yillikni oddiy yil sifatida o‘tqizishni va 4-yilga bir kun, ya’ni 29-fevralni, qo‘shish taklifini kiritgan va bu yil musulmon olamida Kabisa yili deb ataladi.

Astronomiya tilida aytadigan bo‘lsak, Yer bir yil davomida o‘z o‘qi atrofida to‘liq 365 kun va 6 soatda aylanib chiqadi. Shu sababli har 4 yilda 6 soatni qoplash uchun fevral oyi 29 kun, bir yil esa 366 kun deb belgilangan. Shunday qilib 2020-yil 365 kun emas 366 kun davom etadi.