40°
Kechasi 26°
Buyuk Britaniyaning London shahrida Britaniya razvedka xizmati josusi Jeyms Bond haqidagi yangi va Deniyel Kreyg ishtirokidagi oxirgi film taqdimoti boʻlib oʻtdi.
Bu Bond haqidagi filmlarning yigirma beshinchisi va josus 007 rolini Deniyel Kreyg ijro etgan beshinchi film. Taqdimot marosimi Londondagi Albert-xoll binosida oʻtkazilgan. Film prodyuseri Barbara Brokkoli keyingi yildan boshlab Jeyms Bond obrazi bilan xayrlashgan Deniyel Kreyg oʻrniga boshqa aktyor izlashlarini maʼlum qilgan.
Film rejissyor Keri Fukunaga tomonidan suratga olingan. Unda Rayf Fayns, Lea Seydu, Jeffri Rayt, Rami Malek va Kristofer Valtslar ham turli rollarni ijro etganlar. Filmning taqdimot marosimiga Britaniya qirollik oilasi vakillaridan shahzoda Charlz rafiqasi gersoginya Kamilla, shahzoda Uilyam rafiqasi Keyt Middlton bilan birga tashrif buyurgan.
“Oʻlish vaqti emas” filmi uchun saundtrek amerikalik xonanda Billi Aylish tomonidan kuylangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
