Bugun Rossiyaning Amur viloyatida Angara aviakompaniyasiga tegishli An-24 samolyoti halokatga uchradi. Dastavval, samolyot radarlardan yo‘qolib qolgan. Keyinroq esa, rasmiy xabar orqali uchoq fojiali tarzda halokatga uchraganini ma’lum qilindi.

Xabarovsk – Blagoveshensk – Tinda yo‘nalishida parvoz qilayotgan samolyot Tinda aeroportiga qo‘na olmagan va qayta havoga ko‘tarilgan. Birozdan so‘ng esa, signal yo‘qolib qolgan.

Samolyotni qidirish uchun bir nechta vertolyot jalb qilingan. Tinda shahridan 15 kilometr uzoqlikda samolyot qoldiqlari, jumladan, fyuzelyaji yongan holda topilgan.

Samolyot bortida 43 nafar yo‘lovchi va 6 nafar ekipaj a’zosi bo‘lgan. Hodisa oqibatida tirik qolganlar yo‘qligi, barcha 49 kishi halok bo‘lgani e’lon qilindi.

• Aviahalokat
• Rossiya
• Samolyot