Kuman “Kadiz” bilan uchrashuvda maydondan chetlatilgach, ikki oʻyinga diskvalifikatsiya qilindi. Bu haqda Marca xabar bergan.

Qayd etilishicha, “Barselona” bosh murabbiyi Ronald Kuman ikki oʻyinga diskvalifikatsiya qilingan.

Mutaxassis Ispaniya chempionatining 6-tur doirasidagi “Kadiz” bilan uchrashuvi (0:0) vaqtida maydonni chetlatilish bilan jazolandi. Oʻz navbatida, Kuman jarima ham toʻlashga majbur boʻladi.

Murabbiy hakam “Barselona” yarim himoyachisi Serxio Busketsga sariq kartochka koʻrsatganidan soʻng, maydondan chetlatildi. Niderlandiyalik mutaxassis esa hakamning qaroridan norozi ekanligini bildirib, unga nimadir dedi.

Qayd etish mumkin, “Barselona” ozchilikda oʻynadi. Ikkinchi boʻlimda yarim himoyachi Frenki de Yong ikkita sariq kartochka olib maydondan chetlatildi.

Maʼlumot uchun, “Barselona” 9 ochko toʻplab, turnir jadvalida 7-oʻringa koʻtarildi. “Kadiz” esa olti ochko bilan 14-oʻrinda bormoqda ekan.