Rossiyalik xonanda Maksim sunʼiy nafas yetkazish apparatiga ulandi va rejalashtirilgan tarzda komaga tushirildi. Ijodkorning menejeri uning koronavirusga chalingani, ammo test natijalari virusning mavjud emasligini koʻrsatgani haqida maʼlum qilgan.

Xabar berilishicha, shifokorlar Maksimga ogʻir pnevmoniya tashxisini qoʻyishgan. Oʻpkalar qattiq zararlangan, saturatsiya koʻrsatkichlari haddan tashqari past ekani aytilmoqda.

“Qonning kislorod bilan toʻyinish darajasi juda past. U kislorodga javob qaytarmadi, oʻpkalar ham tozalanmadi. Shu tufayli shifokorlar uni komaga tushirishga qaror qilishdi”, dedi xonandaning menejeri.

Maksim bir necha kunni komada oʻtkazishi taxmin qilinmoqda.