Gollandiya poytaxtida bu yil sakkizinchi marotaba o‘tkazilayotgan yorug‘lik festivali tufayli Amsterdam ko‘chalari o‘zgacha tus oldi. Deyarli ikki oy davomida mahalliy va xorijiy rassomlarning asarlari shaharni rang-baranglikka burkadi va yorug‘lik xazinasiga aylantirdi. Bu yilgi festival DISRUPT’ga bag‘ishlangan! Tanlov ishtirokchilari iqlim o‘zgarishi, urush va texnologiya kabi eng dolzarb mavzularni aks ettirgan.

Yilning bu vaqtida Amsterdam kuniga 16 soat qorong‘ilikda yashashga majbur. Tadbir tashkilotchilari undan unumli foydalanib, aholi va sayyohlar uchun o‘z ijodlarini namoyish etmoqda. Ajoyib san’at asarlari shaharning asosiy hududlarini yoritib, ularni ertaklardagi makonga aylantiradi.

Maxsus yaratilgan onlayn karta tufayli tashrif buyuruvchilar barcha yorug‘lik moslamalarini osongina tomosha qilishlari mumkin. Ba’zi audio-sayohatlar yordamida siz har bir san’at asari haqida ko‘proq bilib olish imkoniyatiga egasiz. Festival 2020-yilning 19-yanvarigacha o‘tkazilishi rejalashtirilgan.