2021-yil 21-may kuni ijtimoiy tarmoqlarda tarqalgan Kitob tumanidagi maktablardan birida o‘qituvchi ayollarning kaltaklanganligi haqidagi holat yuzasidan tuman hokimligi hamda tegishli tashkilotlar tomonidan amaliy ishlar boshlandi. 

Xabarga ko‘ra, holat yuzasidan 22-may kuni tuman hokimligi hamda tegishli tashkilotlar tomonidan amaliy ishlar boshlandi. 
Iskana MFYda joylashgan 51-sonli umumiy o‘rta ta’lim maktabida tuman xalq ta’limi bo‘limi, ichki ishlar bo‘limi, mahalla fuqarolar yig‘ini, deputatlar hamda keng jamoatchilik vakillari ishtirokida sodir etilgan mazkur voqea muhokamasiga bag‘ishlangan tezkor yig‘ilish o‘tkazildi. Tomonlar fikrlari tinglandi va zaruriy rejalar belgilandi.

Shundan so‘ng, Kitob tumani hokimligi va xalq ta’limi bo‘limi vakillari jabrlanuvchilar olib kelingan tibbiyot birlashmasiga ham tashrif buyurishdi. Fuqarolar K.Ahmedova hamda onasi S.Daminovalar holidan xabar olinib, barcha kerakli yordamlar hamda ko‘maklar berilishi ma’lum qilindi.

Ta’kidlanishicha, mazkur holat yuzasidan Kitob tumani XTB hamda IIB tomonidan dastlabki surishtiruv harakatlari olib borilmoqda.