Dunyoda shunday shaharlar borki, ayrim hududlarda yil davomida kuzatiladigan yomgʻir bir necha kunlar ichida yogʻib oʻtadi. Shu bilan birga ushbu yomgʻirli hududlarda yil davomida yogʻingarchilik ham kuzatiladi.

Quyida ana shunday hududlar haqida hikoya qilinadi.

Tulli, Avstraliya

Avstraliya davlatida umumiy aholisi 2 500 kishiga ham yetmaydigan Tulli shaharchasi bor. Shaharda yil davomida 4 104 mm yomgʻir yogʻadi. U yerda yillik yogʻinning koʻpligini ifodalash uchun, hatto, yomgʻir oʻtkazmaydigan etikka haykal ham oʻrnatilgan.

Lae, Papua-Yangi Gvineya

Britaniya qirolligiga boʻysunuvchi ayrim Okeaniya davlatlari, jumladan, Papua-Yangi Gvineya davlatidagi Lae shaharchasi ham eng seryomgʻir hududlardan hisoblanadi. Bu yerda yillik yogʻin miqdori 4 630 mm ni tashkil qiladi. Masalan, mamlakat poytaxti Port-Morsbida esa bu koʻrsatkich 1 170 mm ga teng.

Myanma, Molamyayn

Janubi-Sharqiy Osiyodagi Myanma davlatining eng yomgʻirli shaharlardan biri Molamyayn yil davomida 4 960 mm yomgʻir yogʻadi.

Alyaska, Uitter

Alyaska hududiga tegishli Uitter shahri nafaqat Amerikadagi, balki butun dunyodagi eng nam joy hisoblanadi. Bir yil davomida u yerda 5 024 mm yomgʻir yogʻadi. Shu bois ham mazkur shaharda atigi 220 kishi istiqomat qiladi.

Afrika, Monroviya

Afrikaning tropik qismida joylashgan Liberiya davlatining poytaxti Monroviya –nafaqat eng yomgʻirli, balki eng millioner shaharlardan biri hamdir. U yerda yil davomida 5 140 mm yomgʻir yogʻadi.

Kolumbiya, Buenaventura

Kolumbiyaning gʻarbida joylashgan ushbu shaharda yiliga oʻrtacha 6 900 mm yomgʻir yogʻadi. Buning hech ajablanarli joyi yoʻq, chunki shahar tinch okeanining qirgʻogʻida, aniqroq qilib aytganda, koʻrfaz tubida joylashgan.

Kolumbiya, Kibdo

Kolumbiyaning eng yomgʻirli shahri maqomiga ega Kibdo aholisi 130 ming kishidan ortadi. Yillik yogʻingarchilik miqdori ham boshqa mintaqalarga qaraganda anchayin koʻproq, yaʼni 8990 mm.

Hindiston, Cherapunji

Hindistonning bu kichik shahri dunyodagi eng yomgʻirli shahar sifatida nom qozongan. Boisi, bu shaharda bir oyning oʻzida 9 300 mm yomgʻir yogʻadi.

Kolumbiya, Loro

Kolumbiyaning Loro shahri ham dunyodagi eng seryomgʻir shahar sifatida Cherapunji bilan bemalol bahslasha oladi. Bu yerda yillik yogʻingarchilik miqdori 13 300 mm.

Kolumbiya, Lopes de Mikay

Iqlimshunoslar Loroni dunyoning eng yomgʻirli shahrai deb atashsa-da, Kolumbiyada yana bir shahar borki, u yerda yiliga 15 992 mm yomgʻir yogʻadi. Lopes de Mikay yilning deyarli 315 kuni yomgʻirli ekanligi bilan ajralib turadi.