Qozog‘iston

Dimash Kudaybergen

Dimash – vokalist, instrumentalist va kompozitor. Dimashning ovoz diapozoni olti oktava. U Xitoydagi mashhur “Singer 2017” teleshousida qatnashib, shuhrat qozongan. Nufuzli qo‘shiqchilar bilan bellashib, finalgacha borgan va ikkinchi o‘rinni egallagan.
Dimash dunyoning turli mamlakatlarida konsertlar beradi. Yaqinda AQShda bo‘lib o‘tgan konsertida zal muxlislarga to‘la bo‘ldi.

Nazima

Nazima asli chimkentlik. Bolaligidayoq sahnada qo‘shiq aytishni orzu qilgan. 12 yoshida qozoq tilidagi qo‘shig‘i bilan “Ocharovashka” xalqaro tanlovining g‘olibi bo‘lgan.
21 yoshida “Fabriki zvezd” (Yulduzlar fabrikasi) qozoqcha versiyasining final bosqichigacha borgan. Keyinchalik Nazima ALTYN GIRLS triosining solistiga aylangan. Nazima “Pesni na TNT” (TNT’da qo‘shiqlar) musobaqasida qatnashgan va finalgacha borgan. Hozirda u Black Star jamoasi a’zosi hisoblanadi hamda MDH davlatlarida konsertlar beradi.

Yerjan Maksim

Yerjan — yosh qozoq artisti bolaligidan xalqaro musiqiy tanlovlarda qatnashib keladi. 2019-yilda “Голос. Дети” loyihasida qatnashgach, shuhrat qozongan.
2019-yil kuzda Yerjan Polshada bo‘lib o‘tgan “Детского Евровидения – 2019” tanlovida finalga yetib bordi va 2-o‘rinni oldi.

Qirg‘iziston
 

Kayrat Primberdiyev

Kayrat Primberdiyev – qirg‘izistonlik iste’dodli qo‘shiqchi. U o‘zining vokal mahorati bilan yurtdoshlarining ko‘nglidan joy olgan va “Главная сцена” va “Голос” kabi teleko‘rsatuvlar orqali Rossiyada mashhur bo‘lgan. Hozirda qo‘shiqchi musiqa bilan shug‘ullanmoqda, bir qancha kliplar olgan.

O‘zbekiston
 

Oleg Ternovoy

Oleg — Rossiyaning “ПЕСНИ” shousining g‘olibi. Toshkentda tug‘ilgan. Boshida “ПЕСНИ” shousining predkastingidan o‘tolmagan, ammo keyin taxallusi va imijini o‘zgartirib yana qaytgan. Shouda bir nechta treklar yozgan va ijro etgan. G‘olib bo‘lgach, Black Star jamoasining xonandasiga aylangan.
Uning treklari Rossiya chartlarida birinchi o‘rinni oladi. Hozirda ijod bilan shug‘ullanmoqda hamda MDH va Yevropadagi shaharlarda gastrol safarlarda bo‘ladi.

Sardor Milano

Sardor Milano — toshkentlik xonanda, muallif va ijrochi. 2015-yil “Главная сцена” musiqiy shouda g‘olib bo‘lgan, 2016-yil “Голос” loyihasida finalgacha borgan. Ovoz diapazoni 3 yarim oktava. Sardor “Новая волна – 2017” tanlovining uch nafar laureatlaridan biri hisoblanadi.

Sabina Mustayeva

Sabina Mustayeva — yosh qo‘shiqchi, “Голос. Дети 2” teleshousining g‘olibasi. 11 yoshidan beri turli musiqiy tanlovlarda qatnashib keladi. “Детской Новой Волне” tanlovida uchinchi o‘rinni egallagan. Polshada bo‘lib o‘tgan “Голос” shousida qatnashgan.

Tojikiston

Manija

Manija — asli dushanbelik qo‘shiqchi. 1994-yil oilasi bilan Moskvaga ko‘chib o‘tgan. 2003-yilda Yurmalada bo‘lib o‘tgan tanlovda qatnashib, Gran-pri sohibi bo‘lgan.
2007-yil birinchi yakkaxon qo‘shig‘ini chiqargan. Bu qo‘shiq rus radio xit-paradlarining eng zo‘r o‘nligiga kirgan. 

Jasmin Karimova

Jasmin Tojikistonda tug‘ilgan. Bolaligi Avstraliya, AQSh va Gollandiyada o‘tgan.
2015-yilda “Голос” loyihasining golland versiyasida Jasmin hakamlarni hayratda qoldirgan. 2017-yilda Levan Goroziya bilan “Doroga” klipini chiqargan. U musiqa bilan shug‘ullanadi, qo‘shiqlar yozadi va konsertlarda qatnashadi.