1-noyabr kuni Prezident Shavkat Mirziyoyev Qirg‘iz Bosh vaziri Muhammadkaliy Abilgaziyevni qabul qildi. Ular bir qator masalalarda, jumladan chegaraoldi hamkorlikni kengaytirish to‘g‘risida gaplashdi.

Shavkat Mirziyoyev ShHTga a’zo davlatlar Bosh vazirlari uchrashuvida ishtirok etish uchun mamlakatimizga kelgan Qirg‘iz Bosh vaziri Muhammedkaliy Abilgaziyevni qabul qildi.

Uchrashuvda strategik sheriklik munosabatlari muhokama qilindi

Uchrashuvda mamlakatlar o‘rtasidagi do‘stlik, yaxshi qo‘shnichilik va strategik sheriklik munosabatlarini mustahkamlashning dolzarb masalalari muhokama qilindi.

Chegaraoldi hamkorlik yanada kengayadi

Savdo-iqtisodiy, sanoat, transport, agrosanoat, madaniy-gumanitar va boshqa sohalardagi sheriklikni, shuningdek, chegaraoldi hamkorlikni yanada kengaytirish muhimligi qayd etildi. Shuningdek, xalqaro va mintaqaviy ahamiyatga molik dolzarb masalalar yuzasidan fikr almashildi.