Toshkent viloyatida Post-patrul xizmati xodimi o‘zini otib o‘ldirdi. Bu haqda IIV xabar bermoqda. 

Ma’lum qilinishicha, kecha, 27-iyun soat taxminan 13:00larda Angren shahar IIB Post-patrul xizmati va jamoat tartibini saqlash guruhi xodimi safdor, 1987-yilda tug‘ilgan B.B. shahar IIBning 4-qavatida o‘ziga biriktirilgan “PM” tabel qurolidan jag‘ qismiga qarata bir marotaba o‘q uzgan.

Natijada safdor B.B. olgan jarohati tufayli voqea joyida vafot etgan. 
Qayd etilishicha, o‘z joniga qasd qilish sabablari IIV va prokuratura organlarining maxsus tashkil etilgan guruhi tomonidan o‘rganilmoqda. Holat shaxsan, O‘zbekiston Respublikasi Ichki ishlar vazirining nazoratiga olingan.