Sochlarning erta oqarishiga organizmdagi B vitamini tanqisligi sabab boʻlishi mumkin. Bu haqida shifokor Parvinder Sagu maʼlum qildi.

“Soch oqarishi jarayonining oldini olish yoki soch tolalarining oldingi holatini qayta tiklash mumkin, buning uchun taomnomada B vitaminiga boy mahsulotlar boʻlishini taʼminlash kerak”, dedi mutaxassis.

Shifokorning aytishicha, B vitaminini tuxum va sut mahsulotlari tarkibidan topish mumkin. Shuningdek, ushbu vitamin sabzavot, meva hamda yongʻoqlar tarkibida ham mavjud. Ushbu muammoni hal qilishda mol goʻshti va don-dun mahsulotlari isteʼmoli yaxshi yordam beradi.

35 yoshdan keyin soch follikulalari avvalgidan kamroq boʻyoq ishlab chiqarishni boshlaydi, shu sababli ularni vitaminlar bilan taʼminlab turish kerak boʻladi.