Avvalroq, joriy yil 1-martdan boshlab tadbirkorlik subyektlariga avtomobil yo‘llarida qoidabuzarliklarni foto va video qayd etuvchi radar va kameralarni o‘rnatish huquqi berilgan edi.

Shuningdek, Prezident qaroriga binoan, maxsus avtomatlashtirilgan foto va video qayd etish dasturiy-texnik vositalari o‘rnatiladigan joylarni tadbirkorlik subyektlariga biriktirish elektron auksion savdolari orqali amalga oshirilishi belgilab qo‘yilganyu

“E-ijro auksion” tizimida ilk marta Toshkent shahri avtomobil yo‘llaridagi radar va kameralar o‘rnatilishi mumkin bo‘lgan obyektlar kimoshdi savdosiga chiqarildi.

Toshkent shahridan jami 38ta ob’yekt savdoga chiqarilgan bo‘lib, boshlang‘ich narxlar 2,4 million so‘mdan 36,75 million so‘mgacha etib belgilangan. 

Bunda eng arzon – Yakkasaroy tumanidagi Afrosiyob – Rajabiy ko‘chalari chorrahasi bo‘lib, hududdagi transport oqimi 19 mingtani tashkil qiladi.

Eng qimmati esa Mirobod tumani hududidagi X.Olimjon – A.Qodriy (yo‘l o‘tkazgich) chorrahasi bo‘lib, bunda kunlik transport oqimi 32 mingtaga yetadi.

Eslatib o‘tamiz, auksion narxni oshirib borish uslubida o‘tkaziladi.

Ma’lumot uchun, joriy yil 9-iyun kuni Xorazm viloyati, Bog‘ot tumani va Xiva shahrida hamda Namangan viloyati, Kosonsoy tumanida radar va kameralar o‘rnatish huquqi savdoga chiqarilgan edi.