“New York Times” нашри дунёнинг 68 та мамлакатида яшовчи 200 мингта китобхон орасида сўровнома ўтказди ва сўнгги 125 йилликнинг энг яхши бешта китобини танлаб олди. Ғолиблар рейтинги билан танишинг:

1. "Мазахчини ўлдириш" (1960), Харпер Ли

Америка классикасига айланган бестселлер АҚШ жанубидаги кичик шаҳарча ҳаётидан ҳикоя қилади. Аттикус Финч исмли адвокат оқ танли аёлга нисбатан жинсий зўравонликда айбланган афроамерикаликни судда ҳимоя қилиш вазифасини ўз бўйнига олади.

Адиба 1961 йилда ушбу асар учун Пулицер мукофотини олган, асар қора танли одамларнинг ҳуқуқлари учун курашиш тимсолига айланган. Мазкур китоб Америкадаги ўрта мактабларнинг 80 фоизида таълим дастурига киритилган.

2. "Узук биродарлиги" (1954), Жон Роналд Руэл Толкин

Хоббит Фродо саргузаштлари ҳақида ҳикоя қилувчи асар "Узуклар ҳукмдори" трилогиясининг биринчи қисми ҳисобланади. Фродо катта қудратга эга бўлган қадимий узукни йўқ қилиш учун узоқ ва хавфли саёҳатга йўл олади. 2001 йили ушбу асар асосида шу номдаги фильм суратга олинган.

3. "1984" (1949), Жорж Оруэлл

Жорж Оруэлл томонидан ёзилган "1984" антиутопик асари ҳаётнинг ҳар бир жабҳаси қудратли партия томонидан бошқариладиган дунё ҳақида ҳикоя қилади. ХХ асрнинг ўрталарида ёзилган мазкур асар сўнгги йиллар ичида ҳар доимгиданда машҳур бўлиб кетди. Унда тоталитаризмнинг даҳшатли кўриниши акс эттириб берилган.

4. "Ёлғизликнинг юз йили" (1967), Габриел Гарсиа Маркес

Габриел Гарсиа Маркес томонидан ёзилган "Ёлғизликнинг юз йили" асари адабиётдаги реализм йўналишининг энг машҳур намуналаридан биридир. Китоб 20 та бобдан иборат бўлиб, катта оила ҳаёти ҳақида ҳикоя қилади.

5. "Суюкли" (1987), Тони Моррисон

Америкалик ёзувчи Тони Мориссон томонидан ёзилган илк роман нашр этилиши биланоқ ҳақиқий бестселлерга айланган. Асарнинг бош қаҳрамони қора танли қочоқ қул аёл 2 ёшлик қизини қулликдан қутқариш учун уни ўлдиришга мажбур бўлади. Орадан йиллар ўтиб бош қаҳрамоннинг уйига болакайнинг арвоҳи жойлашиб олади. Асар 1988 йилда Пулицер мукофотга муносиб деб топилган.

• қизиқарли
• рейтинг