Агентлик маълумотларига кўра, Сурия шимоли-ғарбидаги Латакия вилоятида жойлашган Россиянинг Ҳмеймим авиабазаси ҳудудида бир неча юз суриялик, асосан аёллар, болалар ва қариялар қуролли тўқнашувлардан қочиб, вақтинча бошпана топди. Бу ҳақда Reuters хабар бермоқда.
Х ижтимоий тармоғи фойдаланувчилари Ҳмеймим авиабазасига жойлашган аёллар ва болаларнинг суратларини эълон қилиб, уларни “христианлар, друзлар ва Алавийларга мансуб қочқинлар”, – деб таърифлаган.
Буюк Британияда жойлашган Сурия Инсон ҳуқуқлари обсерваторияси (SOHR) 6 мартдан бери Сурия хавфсизлик кучлари ва уларнинг иттифоқчилари томонидан ўлдирилган тинч аҳоли сони 530 кишидан ошганини, қурбонлар орасида болалар ҳам борлигини маълум қилди. Ташкилот буни “Сурияда сўнгги йилларда содир этилган энг даҳшатли зўравонлик ҳаракатлари”, – дея таърифлаган.
AFP агентлиги ва France 24 телеканали маълумотларига кўра, Сурияда ҳукумат кучларининг зўравонликлари аввалги президент Башар Асад тарафдорлари томонидан уюштирилган ҳужумларга жавобан бошланган.
40°
Кечаси 25°
