Тошкент вилояти ҳокими Зойир Мирзаевнинг таъкидлашича, Қибрай туманининг барча раҳбар ва масъуллари ишдан олингач унга “қўнғироқлар” бўлган.

“Кеча бир-иккита телефон қилганларга айтдим, қўйсаларинг-чи, энди бир Қибрайнинг ҳам ҳокимиятидан “тоза қон” оқсин, тоза ҳаво кирсин ичкарига, майли, ҳокимни айбдор деяптику лекин, у ишни қилган одамлар ўтирибдику ўша жойида улар яна нечта ҳокимни “ейиши” керак?”, – дейди Тошкент вилояти ҳокими.

Шунингдек, унинг таъкидлашича, вилоятдаги ҳамма туманларда аҳвол шундай.

“Ерни сотганлар ҳам ўтирибди кадастрдаги иккита-учта ноинсофлар. Қаерда нима борлигини ўзи яхши билади, мен бориб протоколга қўл қўйишга қўрқаман, протоколни ичига ўзини манфаатини ўйлаб [ҳужжатлар] тиқиб юборади, ҳеч нарсадан қайтмайди. Ҳар бир вароғига қўл қўйиб чиқаман кейин. Ҳамма туманда шу аҳвол, битта туманда шу амалиётни қилиб кўрайлик, натижа берса бошқаларида ҳам қиламиз. Булар ҳамма ёқни ўзининг хўжалиги қилиб олган. Охирига етамиз ҳаммасини барибир”, – дейди Зойир Мирзаев.

• Toshkent viloyati