Тошкент вилоятининг Қибрай туманида “Ҳудудгаз Тошкент” газ таъминоти филиали комплаенс назорат тузилмалари, туман газ таъминоти бўлими ходимлари ва ҳуқуқ-тартибот органлари ҳамкорлигида ўтказилган рейд жараёнида қонунбузилиш ҳолати фош этилган. Бу ҳақда “Ҳудудгаз Тошкент” хабар бермоқда.

Маълум қилинишича, туманнинг “Обод” МФЙда истиқомат қилувчи фуқаро M.R. ўз хонадонида иссиқхона ташкил қилиб, лойиҳа-техник ҳужжатлари расмийлаштирмасдан, газ ҳисоблагичдан ташқари табиий газ қувурига ўзбошимчалик билан тўғридан тўғри уланиб, “зангори ёқилғи”дан ноқонуний фойдаланиб келгани маълум бўлган. Ҳозирда ушбу ҳолат юзасидан далолатнома тузилиб, сарфланган табиий газ ҳажми қайта ҳисоб-китоб қилинди ва 309 миллион 348 минг сўмлик зарар аниқланган.

Шунингдек, мазкур ноқонуний ҳолат бўйича барча ҳужжатлар ҳуқуқни муҳофаза қилувчи органларга юборилгани қайд этилган.

• Issiqxona
• Toshkent viloyati