Германиядан хушхабар! Спорт гимнастикаси бўйича Жаҳон кубогининг илк босқичи ўзбекистонликлар учун муваффақиятли ўтмоқда. Кечаги кун дастуридан ўрин олган финалларда юртдошларимиз 1 тадан олтин ва бронза медалларга сазовор бўлишди.

Ўзининг севимли от устида машқ дастурида қатнашган Абдулла Азимов 14.866 балл билан энг юқори очкони жамғаришга эришди ва олтин медални қўлга киритди. Қайд этиш жоиз, бу Азимов учун Жаҳон кубокларидаги биринчи муваффақият ҳисобланади.

Шунингдек, 47 ёшли Оксана Чусовитина таяниб сакраш дастурида совриндорлар қаторидан жой олди. Чусовитина ушбу машқда 13.016 балл билан бронза медали соҳиби бўлди.

Дилдора Арипованинг мазкур дастурдаги чиқишини ҳакамлар 12.416 балл билан баҳолашди ва бу финалчилар орасидаги саккизинчи кўрсаткич сифатида қайд этилди. Арипова бугун тўсиндаги машқда медаллар учун курашади.

• Жаҳон кубоги
• Оксана Чусовитина
• Спорт