Amu TV хабарига кўра, Қандаҳор (Афғонистон) ҳукумати болалар ўйинчоқларини сотишни тақиқлаган.

Маълум қилинишича, “Толибон” қўғирчоқ ва ҳайкалчалар сотилишига тўсқинлик қилмоқда. Тадбиркорларнинг айтишича, бу уларнинг бизнесига зарар етказмоқда.

“Толибон”нинг эзгуликни тарғиб қилиш ва ёмонликнинг олдини олиш вазирлиги бир қатор ўйинчоқлар, жумладан, қўғирчоқлар сотилишини ҳаром деб эълон қилди, дея хабар беради Афғонистон International.

Тақиқнинг сабаби “Толибон”ларнинг қўғирчоқларни исломда гуноҳ ҳисобланган бутларга ўхшатиши бўлиши мумкин. Шаҳар ҳокимлиги тақиқланган маҳсулотларни зудлик билан дўконлардан олиб ташлашни буюрган.

Аввалроқ Афғонистон расмийлари шахмат ўйинини номаълум муддатга тақиқлагани хабар қилинганди.

• Афғонистон
• Tolibon