Бу ҳақда Халқ қурултойида мамлакат президенти Садир Жапаров маълум қилди.

“Ўқитувчи миллат келажагини шакллантиради, шифокор инсон саломатлиги ва ҳаётини ҳимоя қилади. Бироқ бугунги кунда уларга нисбатан қўпол муносабат, ҳурматсизлик, баъзан зўравонлик ҳолатларига кўп дуч келмоқдамиз. Бу ўтакетган маданиятсизликдир. Биз бу икки муқаддас касбга ўз қадр-қимматини, жамиятдаги юксак мавқеини қайтариб беришимиз шарт”, — деган президент.

Жапаровнинг сўзларига кўра, ҳозирда педагогларнинг ўртача маоши 26 минг сом (салкам 3,6 млн сўм)ни ташкил этади. 1 апрелдан бошлаб бу миқдор икки карра ошиб 52 минг сом бўлади. Шифокорларнинг ўртача иш ҳақи 31 минг 500 сом (4,3 млн сўм)ни ташкил этади, 1 апрелдан эса 62 минг 500 сомга етади.

Ўзбекистон Миллий статистика қўмитаси маълумотларига кўра, республикада таълим соҳасидаги ўртача ойлик маош 4 млн 188 минг сўмни, тиббиётда эса 3 млн 765 минг сўмни ташкил қилмоқда.

• Маош
• O‘qituvchi
• Қарор
• Sadir Japarov
• Шифокор