Озарбайжон Президенти Илҳом Алиев, Ханкенди шаҳрида 3-Шуша Глобал Медиа Форуми иштирокчилари билан учрашиб, минтақавий ва глобал воқеаларни баҳолади.

Учрашув давомида Украина ва Россия ўртасидаги урушга тўхталиб ўтган Алиев, украиналикларга “Ҳеч қачон ишғолни қабул қилмасликни” тавсия қилди.

Озарбайжоннинг Қорабоғнинг ишғол қилинишини ҳеч қачон қабул қилмаганини ифода этган Алиев, оғир кунларни бошидан ўтказиб, аста-секин ўзига келганини, лекин оқибатда қадимги ерларни ишғолдан озод қилганликларини айтди. Алиевнинг таъкидлашича, Европада Хавфсизлик ва Ҳамкорлик Ташкилоти (ЙХҲТ)нинг АҚШ, Россия ва Франция ҳамраиси бўлган Минск гуруҳи муаммони ҳал қилиш устида ишламаяпти, балки уни аввалгидек қолдиришга ҳаракат қилмоқда.

У шундай деди: “Улар бизни вазиятга рози бўлинг, дейишди. Биз “йўқ” деб айтдик. Биз 2020 йилда 44 кун ичида янги воқеликни яратдик ва улар буни қабул қилишлари керак эди, украиналиклар таслим бўлмасликлари ва ҳеч қачон ўзларининг ҳудудий яхлитлиги бузилишини қабул қилмасликлари керак”, — деди Алиев.

• Илҳом Алиев
• Озарбайжон