Бугун, 8 ноябрь куни Туркиянинг Кожаэли вилояти шимоли-ғарбида атир ишлаб чиқарувчи фабрикада кучли портлаш содир бўлди. Ҳодиса оқибатида камида олти киши ҳалок бўлган. Бу ҳақда Sabah хабар берди.

Маълум қилинишича, портлаш тўлқини йирик ёнғинга сабаб бўлган, оқибатда бутун бино аланга ичида қолган. Ёнғин ўчирилгач, қутқарувчилар ҳалок бўлганларнинг жасадларини топган.

Ҳозирда жабрланганларнинг сонига аниқлик киритилмоқда. Ҳозирча олти киши ҳалок бўлгани ва бир киши жароҳат олгани маълум. Ёнғин сабаблари номаълум бўлиб, тергов давом этмоқда.

Sabah нашрининг хабарига кўра, вилоят ҳокими баёнотида ёнғин тўлиқ бартараф этилгани, ҳозирда бинода совитиш ишлари олиб борилаётгани маълум қилинган. Тергов гуруҳи фалокат сабаблари ва тафсилотларини аниқлаш устида ишламоқда.

• Atir
• Туркия
• korxona
• portlash
• ёнғин