Бугун, 8 ноябрь 17 ёшгача футболчилар ўртасидаги ФИФА Жаҳон чемпионатида Исломбек Исмоилов бошқарувидаги Ўзбекистон ўсмирлар терма жамоаси мундиалдаги 2-ўйинида Ирландияга қарши майдонга тушади. Учрашув Тошкент вақти билан соат 20:45 да Қатардаги “Эспайр” академияси майдонида старт олади.

Маълумот учун, Ўзбекистон U-17 терма жамоаси ўсмирлар ўртасидаги Жаҳон чемпионатларида тўртинчи бор иштирок этмоқда. Ушбу ёш тоифасидаги Ўзбекистон жамоалари 2011 (Мексика) ва 2023-йилги (Индонезия) мусобақаларда чорак финалга қадар етиб борган. 2013 йил Бирлашган Араб Амирликларида ўтган мундиалда эса 1/8 финал босқичида иштирокини якунлаган.

Эслатиб ўтамиз, Мусобақанинг “Ж” гуруҳидан ўрин олган Ўзбекистон ўсмирлар жамоаси 1-турда Парагвайни кичик 2:1 ҳисобида таслим этиб, 3 очко билан гуруҳда Ирландиядан сўнг иккинчи ўринда бормоқда.

• Футбол
• Жаҳон чемпионати
• Қатар
• Ёшлар