“АҚШ президенти Доналд Трамп 2026 йилда ўтказиладиган Конгрессга оралиқ сайловлар кампанияси доирасида мамлакат бўйлаб саёҳатларни кўпайтиришни режалаштирмоқда”, дея хабар бермоқда Bloomberg.
Агентлик маълум қилишича, Трамп ўзининг биринчи президентлик даврида кузатилгани каби демократларнинг Конгресс Вакиллар палатасида назоратни қўлга олиши, қонунчилик ташаббуслари тўхтаб қолиши ва унга икки марта импичмент эълон қилишга уринишлар каби ҳолатларнинг такрорланишидан хавотирда. Шу сабабли президент 2026 йилги сайлов кампаниясида сафарларни фаолроқ амалга оширишни истамоқда.
Оқ уй Трампнинг бу режалари ҳақида изоҳ бермаган. Бироқ аввалроқ Трамп республикачиларни шахсан қўллаб-қувватлашини ва Конгресснинг иккала палатасида ҳам назоратни сақлаб қолишни мақсад қилганини айтган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!