Бугун, 26 декабрь куни Андижон вилоятидаги хонадонларнинг бирида ёнғин чиқди. Бу ҳақда, вилоят Фавқулодда вазиятлар бошқармаси хабар берди.

Маълум қилинишича, соат 11:32 да Андижон шаҳар “Исломобод” МФЙ Мирпўстин кўчасида жойлашган фуқаро И.Т.нинг яшаш уйида ёнғин содир бўлаётгани ҳақида вилоят ФВБга хабар келиб тушган. Соат 11:37 да айтилган манзилга ёнғин-қутқарув экипажлари етиб борган ва соат 12:13 да содир бўлган ёнғин батамом ўчирилган.

Қайд этилишича, ушбу ёнғин натижасида яшаш уйининг 120 кв.м майдонда шифт том қисми ва уй-рўзғор буюмлари ёниб зарарланган.

Ҳозирда ёнғин содир бўлиш омиллари ва моддий зарар аниқланмоқда.

• Андижон
• ФВВ