ЦСКА бош директори Роман Бабаев Аббосбек Файзуллаевнинг маоши оширилиши ҳақида ўз фикрларини билдириб ўтди.

“Биз Аббоснинг шартномасида нима кўрсатилганидан қатъи назар, маоши оширилиши керак, деб ўйладик. Агарда бизнинг клуб кимнингдир меҳнати кўпроқ маошга арзийди, деб ҳисобласа, шартномани узайтиришни кутиб ўтирмайди. Шу боис биз Файзуллаевнинг шартномасини узайтирмасдан ҳам унинг маошини оширдик”, – деган Роман Бабаян.

Аббосбек Файзуллаев ўтган ёзда “Пахтакор”дан Москванинг ЦСКА клубига кўчиб ўтган эди. Унинг Россия клуби билан амалдаги шартномаси 2026 йилнинг июнь ойи охиригача амал қилади. Ушбу мавсумда ярим ҳимоячи ЦСКА таркибида РПЛда жами 16 ўйинида майдонга тушиб, 2 та гол ва 3 та асисстни амалга оширган.

Аввалроқ, ОФК Ўзбекистон МТЖ футболчиси Аббосбек Файзуллаевни Осиёда йилнинг энг яхши ёш футболчиси дея эътироф этган эди. Шунингдек, 21-ёшли яримҳимоячи ЎФА томонидан 2024 йилда Ўзбекистоннинг энг яхши футболчиси деб топилган.

• Аббосбек Файзуллаев
• Футбол
• Маош