BBC телеканалининг хабар беришича, Дания АҚШда бўлиб ўтган президентлик сайловларида ғалаба қозонган республикачи Доналд Трампнинг оролни назорат қилиш ва унга эгалик қилиш муҳимлиги ҳақидаги баёнотидан сўнг, Гренландияни ҳимоя қилиш харажатларини кўпайтириш ниятида.

Таъкидланишича, мудофаа пакетининг қиймати камида 1,5 миллиард долларни ташкил этади ва бу маблағлар, иккита янги текширув кемаси, иккита узоқ масофали учувчисиз учиш аппарати (UAV)ни сотиб олишга ҳамда иккита қўшимча итлар чанаси экипажини жалб қилишга сарфланади.

Бундан ташқари, мамлакат расмийлари F-35 қирувчи самолётларига хизмат кўрсатиш учун оролнинг фуқаролик аэропортларидан бирини янгилашни режалаштирмоқда.

Аввалроқ, оммавий ахборот воситалари Трамп Гренландияни Дания назоратидан олиб қўйиш билан таҳдид қилгани ҳақида хабар берган эди. Унинг таъкидлашича, АҚШ орол устидан назоратни бутун дунё бўйлаб миллий хавфсизлик ва эркинлик масалалари билан боғлиқ  бўлган “мутлақ зарурат” деб билади.

• АҚШ
• Дания
• Трамп