Португалиялик юлдуз аутизмга чалинган боланинг телефонининг синиши билан боғлиқ ҳодиса учун айбдор деб ҳисобланмоқда.

Англия футбол ассоциацияси (ФА) Криштиану Роналдуни ўз қоидаларини бузганликда айблади.

Бунга апрель ойида португалияликнинг аутизм касаллигига чалинган боланинг телефонини синдириши сабаб бўлган. Эпизод АПЛнинг 32-туридан ўрин олган «Манчестер Юнайтед»нинг «Эвертон»га (0:1) қарши ўйинидан сўнг юз берди. Кўп ўтмай португалиялик узр сўраган.

Бугун Англия футбол ассоциацияси (ФА) Роналдуни ушбу воқеа учун лига қоидаларини бузганликда айблади. Баёнотда ҳужумчининг финал ҳуштаги чалингандан кейин хатти-ҳаракати нотўғри ва/ёки тажовузкор бўлгани айтилади.

«Биз ФАнинг Криштиану Роналду ҳақидаги баёнотига эътибор қаратамиз ва футболчини айбловларга жавобан қўллаб-қувватлаймиз», – деди «Манчестер Юнайтед».

• АПЛ
• Футбол
• Роналду