Ижтимоий тармоқларда Тошкент вилоятининг Ангрен нефтбазасидан лоток ариқлари орқали АИ-80 бензини оқаётгани ва одамлар уни челаклаб ташиётгани акс этган видеолар тарқалди.

Расмий маълумотга кўра, жорий йилнинг 10 декабрь куни тахминан соат 20:10 да нефтбаза ҳудудида 5000 кубметр ҳажмдаги 20-сонли сиғим (резервуар) сифонининг жўмрагида ҳаво ҳарорати пасайиши муносабати билан музлаб, ёрилиш юз берган.

Натижада сиғимда бўлган АИ-80 бензин ёқилғи маҳсулоти (11 500 литр) тўкилган. Содир бўлган авария ҳолати завод ишчи-ходимлари томонидан шу куннинг ўзида, соат 20:45 да бартараф қилинган. Ҳеч кимга жиддий зарар етказилмаган.

Ёқилғи маҳсулотлари тўкилиши натижасида ёмғир суви чиқадиган лоток ариқлари орқали завод ҳудудидан соат 14:00 да ташқарига сизиб чиққан.

• Ангрен
• Бензин