Россияда 1 сентябрдан бошлаб қўшимча давлат божи, жумладан, рўйхатга олиш, миграция рўйхатидан ўтиш ва ишлашга рухсат олиш билан боғлиқ бўлган божлар жорий этилди.

Россия Федерациясининг Солиқ кодексига тегишли ўзгартиришлар киритилиб, 1 сентябрдан кучга кирди.

Шундай қилиб, миграция назоратини кучайтириш мақсадида бир қатор қўшимча йиғимлар жорий этилмоқда, жумладан, чет эл фуқароси ёки фуқаролиги бўлмаган шахсга патент бериш ёки қайта расмийлаштириш учун - 4200 рубль, ишлаш учун рухсатноманинг амал қилиш муддатини узайтириш учун - 4200 рубль. Шунингдек, иш рухсатномасининг дубликатини бериш, мигрант ёки фуқаролиги бўлмаган шахснинг ишлашга рухсатномаси ёки патент дубликатидаги маълумотларга ўзгартиришлар киритиш учун ҳам тўлов пайдо бўлди. Унинг миқдори 2100 рублни ташкил қилади.

Бундан ташқари, чет эллик ишчиларни ёллаш ва улардан фойдаланиш учун дубликат рухсатномаларини бериш, шунингдек уларга ўзгартиришлар киритиш учун – 2100 рубль, чет эл фуқаросининг Россия Федерациясида вақтинча бўлиш муддатини узайтириш учун – 1000 рубль, яшаш жойида рўйхатдан ўтказиш учун – 500 рубль миқдорида давлат божи жорий этилди.

• Davlat boji
• Россия
• migrant