Маълумотларига кўра, Исроил мудофаа қўшинлари ва мамлакат Мудофаа вазирлиги Вашингтонга Ғазода қуруқликдаги операцияга, Ливан билан чегарада эса “Ҳизбуллоҳ”га қарши эҳтимолий жангга тайёргарлик кўриш учун зудлик билан артиллерия снарядларига муҳтожлигини билдирган.

Америка расмийлари Украина учун мўлжалланган снарядларнинг Исроилга узатилиши Украинанинг рус қўшинларига қарши курашиш қобилиятига бевосита таъсир қилмаслигини айтди.

Таъкидланишича, Украина учун мўлжалланган ўқ-дорилар Исроилда мамлакатлар ўртасидаги келишув доирасида сақланаётган Америка қуроллари захирасининг бир қисми бўлган.

Исроил мудофаа вазири Йоав Галант аввалроқ Исроил қўшинлари Ғазо секторида қуруқликдан операция бошлашини айтганди. “The Times of Israel” нашрининг ёзишича, вазир бу ҳақда Исроил ҳарбийларининг Ғазо сектори чегарасидаги позицияларига ташрифи чоғида эълон қилган.

Шунингдек, АҚШ президенти Жо Байден CBS телеканалига берган интервьюсида Вашингтон Исроилга ҳам, Украинага ҳам ёрдам кўрсатиш имкониятига эга эканлигини айтган.

“Ахир биз Америка Қўшма Штатларимиз. Биз иккаласига ҳам ғамхўрлик қилишга ва шу билан бирга халқаро мудофаани сақлаб қолишга қодирмиз”, – деган АҚШ президенти.

• АҚШ
• Байден
• Isroil
• Украина