АҚШ Украинага янги ёрдам пакети доирасида яна уч миллиард доллар ажратди. Бу ҳақда Оқ уй расмий вакили Карин Жан-Пер маълум қилди.

“Қўшма Штатлар 3 миллиард доллардан ортиқ янги ҳарбий ёрдамни эълон қилиш орқали Украинанинг ўзини ҳимоя қилиш қобилиятини таъминлашга содиқлигини намойиш этади”, деди у.

Таъкидланишича, бу Россия билан уруш бошланганидан бери АҚШнинг Украинага кўрсатган энг йирик ҳарбий ёрдам пакетидир.

Янги пакет пиёда жанговар машиналари, ўзи юрар гаубитсалар ва зирҳли транспорт воситалари, шунингдек, “ер-ҳаво” ракеталари, ўқ дорилар ва бошқа нарсаларни ўз ичига олади.

Тез орада Пентагон томонидан қуролларнинг батафсил рўйхати эълон қилинади.

Оқ уй расмий вакилининг сўзларига кўра, 2,85 миллиард долларлик пакет Украина ва НАТОнинг шарқий қанотини мустаҳкамлашга сарфланади.

Иттифоқчилар 682 миллион доллар олади ва бу пакетдан 225 миллион доллар узоқ муддатга Украина Қуролли кучларини модернизация қилиш ва ҳарбий салоҳиятни ривожлантириш учун мўлжалланган.

• АҚШ
• Ҳарбий
• Моддий ёрдам
• Украина