“Қўшма Штатлар президенти Доналд Трамп маъмурияти Украинага ҳарбий ёрдам етказиб беришни тўхтатиш имкониятини кўриб чиқмоқда”, – деб хабар бермоқда The Washington Post.

Газетага кўра, бу қарор кеча Оқ уйда бўлиб ўтган учрашув чоғида Трамп ва витсе-президент Венс ҳамда Украина президенти Володимир Зеленский ўртасида юз берган баҳсга жавоб бўлиши мумкин.

“АҚШнинг Россия ҳарбий тажовузидан ҳимояланаётган Украинага қурол етказиб беришни тўхтатиши ракеталар, ўқ-дорилар, радарлар ва ҳарбий транспорт воситаларига тааллуқли бўлиши мумкин”, — дея қўшимча қилган The Washington Post манбаси.

Шунингдек, газета манбаси Оқ уйда Трамп ва Зеленский ўртасида юз берган тортишув “олдиндан режалаштирилган” деган тахминларни рад этган.

• АҚШ
• Ҳарбий
• Трамп
• Украина
• Зеленский