Бу ҳақда президент Доналд Трампнинг Яқин Шарқдаги махсус вакили бўлган, кейинчалик Россия делегацияси билан музокараларга қўшилган Стив Уиткофф маълум қилди.

Унинг сўзларига кўра, АҚШга Украина минерал ресурслари, жумладан, ноёб ер металларига кириш имконини берувчи битим “яқин ҳафта ичида” имзоланади. “Дастлаб Зеленский битим борасида иккиланаётган эди, аммо Трампнинг йўллаган хабари унинг фикрини ўзгартирди”, – дея таъкидлаган Уиткофф CNN эфирида.

Шунингдек, 23 февраль куни ўтказилган матбуот анжуманида Зеленский Украина АҚШ талаб қилаётган бир неча юз миллиард долларлик қарзни тан олмаслигини маълум қилган эди. Украина раҳбарининг сўзларига кўра, Қўшма Штатларнинг Киевга кўрсатган ёрдами 100 млрд доллардан ошмайди ва у кредит эмас, балки грант шаклида берилган.

“Мен украиналикларнинг ўн авлоди тўлаши керак бўлган ҳужжатга имзо чекмайман”, — деган Зеленский ўз нутқида.

• АҚШ
• Трамп
• Украина
• Зеленский
• shartnoma