Австралия Ғазо сектори аҳолисига қўшимча 10 миллион доллар гуманитар ёрдам беради. Бу ҳақда “ 9 Неwс”га таяниб “Анадулу” хабар берди.

Алининг таъкидлашича, ёрдам БМТнинг Жаҳон озиқ-овқат дастурига (WФП) очарчиликка дучор бўлган Фаластинлик тинч аҳолини озиқ-овқат билан таъминлаш учун юборилади.

Вазирнинг сўзларига кўра, сўнгги 8 ойда Австралия томонидан кўрсатилган гуманитар ёрдамнинг умумий ҳажми 72,5 миллион долларга етган.

“Исроил Халқаро Суд талаб қилганидек, ёрдам оқимига рухсат бериши керак. Фаластинлик тинч аҳолининг азоблари давом эта олмайди”, - деди Али.

Ҳамаснинг жангари қаноти Изз ал-Дин ал-Қассам бригадалари Исроилга қарши операция бошлаганини эълон қилган ўтган йилнинг 7 октябридан бери Ғазода 37 200 га яқин фаластинлик ҳалок бўлди, уларнинг аксарияти аёллар ва болалар эди.

Бундан ташқари, маҳаллий соғлиқни сақлаш идоралари маълумотларига кўра, 84,8 мингдан ортиқ киши жароҳатланган.Исроилда қурбонлар сони эса 1200 га яқин.

“Исроилни геноцидда айблаган Халқаро Суд қарорида Тел-Авивдан Исроил ҳужумлари давом этгани учун 1 миллиондан ортиқ фаластинлик бошпана топган Рафаҳдаги ҳужумларни зудлик билан тўхтатишни талаб қилди. 6 май куни Исроил ҳарбийлари Рафаҳга қуруқликдан ҳужум бошлади. Саккиз ойдан ортиқ давом этган Исроил ҳужумлари блокададаги Ғазо секторининг катта ҳудудларини вайронага айлантирди. Исроил блокадаси туфайли маҳаллий аҳоли озиқ-овқат, тоза сув ва дори-дармонларнинг кескин танқислигига дуч келди”,- дейилади хабарда.

• Австралия
• Isroil
• Қурбон