Австралиянинг ғарбий соҳилида жойлашган Перт шаҳрида 16 ёшли қиз акула ҳужумидан сўнг вафот этди. Бу ҳақда “9News” телеканали маълум қилди.

ОАВ маълумотларига кўра, қиз Оққуш дарёси бўйлаб сув чанғиси учган, сўнг делфинлар билан бирга сузиш учун сувга сакраган. Шу пайт унга акула ҳужум қилган. Воқеага гувоҳ бўлган шаҳар аҳолиси жабрланувчини сувдан олиб чиқиб, қутқарувчиларни чақирган. Бироқ оғир тан жароҳатлари туфайли қиз шифокорлар етиб келгунига қадар воқеа жойида вафот этган.

Ғарбий Австралия штат полицияси маълумотларига кўра, бу воқеа 100 йил ичида Оққуш дарёсида рўй берган биринчи ҳалокатли акула ҳужуми бўлди. Бу ерда охирги марта 1923 йил январь ойида 13 ёшли бола вафот этганида қайд этилган.

Департаментнинг фикрича, қизга ҳужум қилган йиртқич буқа акуласи бўлиб, у тўмтоқ акула деб ҳам аталади. У айниқса тажовузкор ва ўзига ёққан ўлжага яшин тезлигида ҳужум қила олади. Ушбу турнинг ҳайвонлари сувнинг шўрланишининг кенг доирасига тоқат қиладилар ва океаннинг қирғоқ сувларида яшайдилар, кўпинча чучук сувларга кирадилар ва дарёларнинг юқори оқимида узоқ масофаларга сузадилар.

• Akula
• Австралия
• O'lim