Шу кунларда Болгария пойтахти София шаҳри бадиий гимнастика бўйича жаҳон чемпионати баҳсларига мезбонлик қилмоқда.

Кеча, 16-сентябр куни мусобақанинг жамоавий баҳслари ўз ниҳоясига етди. Болгария, Исроил ва Испания терма жамоалари мос равишда мусобақанинг олтин, кумуш ва бронза медаллари билан бир қаторда Париж-2024 ёзги Олимпия ўйинларига тўғридан-тўғри йўлланма олди.

Бундан ташқари, мазкур жаҳон чемпионатининг энг кучли 24 та жамоаси 2023 йили Испаниянинг Валенсия шаҳрида бўлиб ўтадиган ҳамда Олимпия ўйинларига лицензия берадиган жаҳон чемпионатида қатнашиш ҳуқуқини қўлга киритишди.

Эътиборлиси, Ўзбекистон терма жамоаси мусобақада 7-ўринни эгаллади ҳамда Валенсиядаги жаҳон чемпионатида олимпиада лицензияси учун кураш олиб бориш ҳуқуқига эга бўлишди.

Айтиб ўтишимиз жоиз, бугун мусобақанинг якка тартибдаги кўпкураш баҳсларининг финал босқичи бўлиб ўтади.

• Бадиий гимнастика
• Жаҳон чемпионати
• Ўзбекистон