«Барселона» Испания чемпионатида иштирок этиш учун янги футболчиларни рўйхатга ўтказишни бошлади.

Ла Лига расмий сайтида бугун тунда ҳимоячи Андреас Кристенсен, ярим ҳимоячилар Рафиня ва Френк Кесси, шунингдек, ҳужумчи Роберт Левандовски «кўк-анорранглилар» сифатида рўйхатга олингани ҳақида маълумот пайдо бўлди.

Олдинроқ «Барса» Ла Лиганинг 1-тур учрашуви учун 5 нафар янги футболчидан 4 нафарини рўйхатдан ўтказиши ҳақида хабар берилган эди.

Ла Лига Каталония клубининг тўртинчи иқтисодий дастагини фаоллаштиришини маъқуллади, бу эса унга жамоага янги келганларни рўйхатдан ўтказиш имконини берди.

Фақат ҳимоячи Жюл Кунде «Райо Валекано» билан ўйин учун қайдномасидан четда қолади.

«Кўк-анорранглилар» бугун,Тошкент вақти билан 00:00да Испания чемпионатининг дастлабки турида «Райо Валекано«ни қабул қилади.

• Барселона
• Футбол