Президент Жо Байден мамлакатда содир бўлаётган “Фиона” ва “Ян” тўфонлари туфайли кўплаб штатлар сув остида қолгани, электр энергияси узилгани, одамлар бошпанасиз қолгани ҳақида оммага баёнот берди.

Байденнинг таъкидлашича, Флоридада юз бераётган табиий офат штат тарихидаги энг ҳалокатли бўрон бўлиши мумкин.

Президент Фавқулодда вазиятларни бошқариш бўйича федерал агентлик штаб-квартирасига ташриф буюриб, у ерда федерал жавоб чоралари ҳақида маълумот олган.

Унинг таъкидлашича, рақамлар ҳали ҳам ноаниқ, аммо ҳукумат жиддий қурбонлар бўлиши мумкинлиги ҳақидаги дастлабки маълумотлардан хабардор.

У “Ян”дан жабрланганларни уйда қолишлари ҳақидаги огоҳлантиришларни жиддий қабул қилишга чақирди.

“Агар керак бўлмаса, ташқарига чиқманг. Хавф ҳақиқатда яққол кўриниб турибди. Илтимос, фавқулодда вазиятлар ходимларининг барча огоҳлантиришлари ва кўрсатмаларига риоя қилинг. ” – дея мурожаат қилган давлат раҳбари.

Маълумот учун, “Ян” Америка Қўшма Штатларидаги энг кучли довуллардан бири сифатида муҳрланди.
Бўрон туфайли Флорида қирғоқларидаги уйларни сув босган, кўприкларни вайрон қилган, 2,67 миллион аҳолини электр энергиясидан маҳрум қилган.

• АҚШ
• Россия
• Табиий офат