Бизнес-тренер Ислом Иброҳимов қидирувга берилгани маълум бўлди. Бу ҳақда ИИВ расмий сайтининг қидирувдаги шахслар бўлимида эълон қилинган. 

Эълонда маълум бўлишича, Иброҳимов Ислом Жиноят кодексининг 168-моддаси 4-қисми “а” бандида кўрсатилган жиноятни (фирибгарлик, жуда кўп миқдорда) содир этганликда гумонланиб, қидирувга берилган.

Жиноят кодексида ушбу турдаги жиноят учун базавий ҳисоблаш миқдорининг 400 бараваридан 600 бараваригача (132 млн сўмдан 198 млн сўмгача) миқдорда жарима ёки 8 йилдан 10 йилгача озодликдан маҳрум қилиш жазоси тайинланиши белгиланган.

Ислом Иброҳимов асосан бизнесда муваффақиятга эришиш, бой бўлиш ҳақидаги тренинглари билан танилган. Маълум бир тўлов эвазига турли вилоятларда ушбу турдаги тренинглар ўтказиб келган. 

У яқинда ўзининг телеграм каналига Канадада тушган суратларини ҳам жойлаштирган.

• Бизнес
• ИИВ
• JK