Бангкокда ўтаётган бокс бўйича У-22 Осиё чемпионати Ўзбекистон терма жамоаси учун ажойиб натижаларга бой бўлмоқда.

Кеча, 23 январь куни йигитлар ўртасидаги ярим финал жанглари якунига етди. Аҳамиятлиси, унда рингга кўтарилган 11 нафар ўзбекистонлик боксчидан 10 нафари ўз жангини муваффақиятли ўтказиб, финал йўлланмасини қўлга киритди.

Бу билан Ўзбекистон эркаклар терма жамоаси энг кўп финал йўлланмасига бўлган жамоага айланди. Аввалроқ, 8 нафар ўзбекистонлик боксчи қиз Осиё чемпионати финал босқичига йўл олган эди.

Кеча бўлиб ўтган жанглар натижалари:

-48 кг: Шодиёр Мелиқўзиев — Лестер Дуренс (Филиппин) 5:0

-51 кг: Муҳаммадқодир Мамиржонов — Танарат Саенгпет (Таиланд) 0:5

-60 кг: Дилшод Абдумуродов — Фидо Рафаэл (Индонезия) 5:0

-63,5 кг: Шаҳбоз Юнусалиев — Аскат Култаев (Қирғизистон) 3:2

-67 кг: Бекзод Ҳамидов — Ихтиёр Нишонов (Қирғизистон) 4:1

-71 кг: Нурислом Исмоилов — Нурадин Рустамбек Уулу (Қирғизистон) 5:0

-75 кг: Аълохон Абдуллаев — Абдумалик Болтаев (Тожикистон) 5:0

-80 кг: Жасурбек Йўлдошев — Ерасил Жакпеков (Қозоғистон) 4:1

-86 кг: Шоҳжаҳон Абдуллаев — Нурсултан Болотбаев (Қозоғистон) 1-раундда нокаут ғалаба

-92 кг: Нусрат Тоҳиров — Ерхат Бекзат (Қозоғистон) 5:0

+92 кг: Жаҳонгир Зокиров — Аманат Сабиргали (Қозоғистон) 5:0

Эслатиб ўтиш мумкин, йигитлар ўртасидаги финал жанглари, 26 январь куни ўтказилади.

• Бокс
• Осиё Чемпионати
• Ўзбекистон