Украина пойтахти шаҳар кенгаши Буюк Британиянинг собиқ бош вазири Борис Жонсонга Киевнинг фахрий фуқароси унвонини берди. Бу ҳақда бугун, 24 ноябрь куни шаҳар мери Виталий Кличко ўз Теlegram каналида маълум қилди.

“Киев шаҳар кенгаши Украинанинг буюк дўсти Борис Жонсонга “Киевнинг фахрий фуқароси” унвонини бериш тўғрисидаги қарорни маъқуллади” , — деб ёзди Кличко.

Сиёсатчи собиқ бош вазирга Украинани қўллаб-қувватлагани учун миннатдорчилик билдирди ва мукофотни топшириш учун уни навбатдаги шахсий ташриф билан кутаётганини маълум қилди.

Маълумот учун, Борис Жонсон Буюк Британия Бош вазири бўлиб ишлаган вақтида Украинага фаол қурол етказиб бериш тарафдори бўлиб, Украина қўшинлари учун ҳар тўрт ойда 10 000 нафаргача аскарни тайёрлаш имкониятига эга кенг кўламли ўқув амалиётини бошлашни таклиф қилган.

• Boris Jonson
• Kiyev
• Кличко
• Украина