Гидрометеорология хизмати маркази 20–23 октябрь кунлари учун ҳаво маълумотини эълон қилди. Республика бўйлаб об-ҳаво асосан қуруқ ва сокин бўлиши кутилмоқда.

Қорақалпоғистон Республикаси ва Хоразм вилоятида осмон очиқ, шамол шарқдан сониясига 7–12 метр тезликда эсади. Ҳарорат тунлари 0…+8 даража, кундузи +13…+23 даража атрофида бўлади.

Бухоро ва Навоий вилоятларида ҳам ҳаво мусаффо, ёмғир эҳтимоли йўқ. Тунда +6…+13 даража, кундузи +21…+30 даража иссиқ бўлиши кутилмоқда.

Тошкент, Самарқанд, Жиззах ва Сирдарё вилоятларида ҳаво ўзгарувчан булутли бўлади. Шамол шарқдан сониясига 7–12 метр тезликда эсади. Тунги ҳарорат +6…+13 даража, кундузги ҳарорат +18…+28 даража бўлади.

Қашқадарё ва Сурхондарё вилоятларида ҳам об-ҳаво мусаффо бўлиб, ёмғир эҳтимоли йўқ. Ҳарорат тунлари +6…+13 даража, кундузи эса +21…+30 даража бўлади.

Андижон, Наманган ва Фарғона вилоятларида осмон кам булутли, шамол сониясига 5–10 метр тезликда эсади. Ҳарорат тунлари +6…+13 даража, кундузи +18…+28 даража бўлиши кутилмоқда.

Тоғли ҳудудларда ҳаво нисбатан салқин бўлади. Тунги ҳарорат +3…+10 даража, кундузи эса +15…+23 даража атрофида бўлади.

Метеорологлар маълумотига кўра, келаётган ҳафтада республика бўйлаб ёмғир ёғиши кутилмаяпти, ҳарорат эса куз фасли учун меъёрда сақланади.

• Об-ҳаво
• Ўзгидромет