Саудия Арабистони пойтахти Ар-Риёд шаҳрида теннис бўйича кўргазмали мақомдаги, дунёнинг Топ-10’таликда бораётган ракетка усталари иштирокидаги турнир бўлиб ўтди.

’ турнирининг ҳал қилувчи финал учрашувида дунёнинг биринчи ва иккинчи ракеткалари - испаниялик Карлос Алкарас ҳамда италиялик Янник Синнер ўзаро тўқнаш келишди. Синнер ортиқча қийинчиликсиз сайёрамизнинг биринчи ракеткасини 6/2/ 6/4 ҳисобида мағлубиятга учратди.

Теннисчиларнинг ўзаро учрашувларида ҳамон катта фарқ билан Алкарас олдинда бормоқда - 11:5. Етмиш уч дақиқа давом этган баҳсда Синнер 3, Алкарас 4 та эйс зарбасини амалга оширди. Қўшхатолар бўйича Карлос мутлақ “устунлик” қилди – 3 га 0. Брейклар бўйича устунлик худди шу ҳисоб кўринишида Янник фойдасига бўлди.

Six Kings Slam турнирининг учинчи ўрни учун бўлиб ўтган учрашувида америкалик Тейлор Фриц сербиялик Новак Жоковични мағлубиятга учратди - 7:6 (7:4). Новак биринчи сетдан кейин баҳсни давом эттира олмаслигини маълум қилди.

Чемпион Синнер 6 миллион АҚШ доллар миқдоридаги мукофот пулини қўлга киритди. Ушбу суммадан 4,5 миллиони чемпионлик, қолган 1,5 миллион турнирдаги иштирок учун берилди. Қолган иштирокчилар 1,5 миллион доллардан ишлаб олишди.

• Саудия Арабистони
• Теннис